Хатыңызды бөтен біреу оқып отырған жоқ па?

Қазақстанның Негізгі заңындағы 18-бапта әрбір азаматқа жеке хат құпиясын сақтауға кепілдік берілген. Бұл құқықты шектеуге заңда тiкелей белгiленген реттер мен тәртiп бойынша ғана жол берiлетіні жазылған. Мәселен, заңгерлердің түсіндіруінше, сот үкімімен қамауда отырғандардың хаты оқылуы мүмкін. Ал, одан басқа жағдайда сол кепілдікті кім, қандай жағдайда шектей алады? Адам құқығын қорғаушылар Қазақстанда мемлекеттік мекеме жеке адамның әлгіндей құпиясына қол сұғып қана қоймай, оның электронды пошта жәшігінен жазған хатының мазмұны үшін қылмыстық жауапқа тартып жатқанын айтып, дабыл қағып отыр. Ал, құқықтық тұрғыдан қарағанда, заң талаптарын өрескел бұзып алынған дерек негізінде адамды жауапқа тартуға бола ма? Бұл оқиға өте қауіпті жайтты аңғартып отырғандай: Оруэллдің «1984» романындағы «Үлкен ағай» секілді сізді сыртыңыздан үнемі қадағалап, кез-келген адамның хатына сұқтанып отырған бөтен көз бар. Қажет деп тапқан жағдайда мемлекет азаматтың конституциялық құқығын еш қымсынбастан бұзып, керек болса, оған қарсы жазалау шараларын қолдана алатынының куәсі боп отырмыз.

Реклама

Қазақ тілінде блог бастау

Бүгін Алматыдағы бір топ қазақ журналистері ана тілінде блог жүргізу жолымен танысып отырмыз